SEMANA ONLINE DE AUDICIÓNS na EMCO #OrtigueiraéMúsica

A Escola de Música Concello de Ortigueira tiña preparada antes de que se decretara o Estado de Alarma e o confinamento da poboación, unha semana branca adicada a realización de audicións diarias en aberto na EMCO.

Co motivo da supresión das clases presenciais, esta semana de audicións pública quedou cancelada. Non obstante, e con toda a Escola de Música (alumnado e profesorado) traballando Online anunciamos que esta Semana de Audicións farase da seguinte maneira:

  • Todo o Alumnado da Escola de Música fará unha Audición no Salón da súa Casa para toda a súa familia. Como se dun concerto no Teatro se tratara. Con organización, presentación e coa maior profesionalidade.
  • Todo o Alumnado que desexe compartir con todos os amigos, demáis familia e público en xeral a súa audición poderá facelo a través das súas redes sociais (pública) e etiquetar a publicación co hashtag:

#OrtigueiraéMúsica

Semana Online de Audicións EMCO

Publicado en 2019-2020 | Deja un comentario

“Música da nosa Vida” | Patrimonio musical de Ortigueira (EMCO)

Proxecto Música da Nosa Vida. EMCONeste tempo de coarentena, a Escola de Música Concello de Ortigueira a través da proposta de actividades online lanza un novo proxecto para a veciñanza tanto do municipio como do Ortegal.

Este proxecto forma parte do Plan Estratéxico para a recuperación e a divulgación da música de Ortigueira.

Animamos a compartir diverso material (partituras, fotografías, vídeos,…) para recuperar e divulgar a Memoria Musical do Concello de Ortigueira dende o s. XIX ata os nosos días.

corral-2A EMCO a parte da ensinanza musical ten como misión a de recuperar, preservar e salvagardar o patrimonio musical do municipio. Somos conscientes do coidado necesario na forma de recoller as testemuñas e documentos persoais dos nosos protagonistas e colaboradores neste proxecto. Do pasado máis lonxano ou máis próximo deben quedar imaxes, documentos, versións e testemuñas que constituirán un acervo de fontes á disposición da comunidade estudantil, dos expertos musicólogos e, por suposto, dos propios protagonistas.

O material que se recolla servirá para a investigación e difusión NON COMERCIAL, polo que non se verán infrinxidos nin os dereitos do autor, nin do propietario das imaxes e documentos que sexan cedidos ao Arquivo documental da Escola de Música do Concello de Ortigueira.

Principais elementos a recuperar:

IMAXES: 

De todas as agrupacións musicais que orquestaexistiron no municipio.

Elementos etnográficos e de tradición ortegana.

De personaxes (directores e compositores) do municipio.

Imaxes de festas orteganas.

PARTITURAS:

Adicadas ó municipio.

Escritas por compositores orteganos.

Música que soaba nas festas do municipio.

ARTIGOS DE PRENSA:

Todos os que conteñan información sobre actuacións musicais, historia ou novas dos grupos, as cales nos servirán como importantes fontes para realizar un estudo musicolóxico sobre a música ortegana.

DOCUMENTOS:

presentacion-coral-prtegana-1987Carnets de músico.

Cartas, saúdas e felicitacións.

Actas de concursos.

TRAXES ANTIGOS:

Traxes en desuso, que se depositarán no arquivo musical e patrimonial da Escola de Música de Ortigueira.

INSTRUMENTOS MUSICAIS:

Instrumentos en desuso, cun certo valor histórico, que se depositarán no arquivo musical e patrimonial da Escola de Música de Ortigueira.

Como colaborar con nós:

DURANTE A COARENTENA:

As túas fotos, partituras, documentos, traxes antigos, instrumentos… son de moita axuda para construír a memoria colectiva da música no municipio.

  • On line: aquelas persoas que desexen ceder unha fotografía, documento, audio ou video poderán enviar unha copia electrónica por Email ao seguinte enderezo: esmu.ortigueira@gmail.com

Publicaremos nas canles dixitais da EMCO parte de toda esa documentación neste tempo de #quedatenacasacoaEmco

DESPOIS DA COARENTENA:

1903banda-garroteA Escola de Música do Concello de Ortigueira realizará a dixitalización dos documentos e fotografías, e procederá á correspondente devolución ao seu propietario xunto cunha copia dixital de cortesía, ben en CD, pendrive USB ou envío por email.

Entrega presencial nas instalacións da EMCO: tras recibir a túa visita, procederemos a realizar a dixitalización das túas fotografías ou documentos no momento, así como se queres doar algún instrumento ou traxe antigo, recollerémolo a modo de doazón ou depósito. Contamos con scanner para as fotografías e convertidores dixitais de cintas VHS (vídeo) ou cassette (audio)

  • Entrega dos documentos por correo postal: unha vez recibidos os orixinais, procederase á súa dixitalización e devolución pola mesma vía con copia en CD ou pendrive USB ao propietario.
  • On line: aquelas persoas que desexen ceder unha fotografía, documento, audio ou video poderán enviar unha copia electrónica por

Email ao seguinte enderezo: esmu.ortigueira@gmail.com

  • Solicitude de recollida por parte do doante: en caso de que o doante non conte con medios para facernos chegar a documentación coa que desexa contribuír, pode contactar con nós a través do correo electrónico, ou chamando ó 981402432

ONDE PODO VER ONLINE A MEMORIA MUSICAL DO MUNICIPIO:

Colgaremos toda esta documentación según a súa tipoloxía de formato en:

WEB: www.ortigueiraemusica.wordpress.com

Youtube: https://www.youtube.com/channel/UCBSTQ7tYDMba_hoR_EpHiSg

Instagram: https://www.instagram.com/esmuortigueira/

Facebook: https://www.facebook.com/ortigueiraemusica/

Pinterest: https://www.pinterest.es/emcortigueira/

 

#  TODAS AS FOTOS E VIDEOS LEVARÁN O HASHTAG 

 

 #OrtigueiraéMúsica

Publicado en Ortigueira é música | Deja un comentario

Queda na casa coa EMCO! Curso Online

QUEDA NA CASA COA EMCO. CURSO. CARTEL EN PNGDende a Escola de Música organizamos un Curso de Iniciación Musical Online neste período de coarentena para todas as persoas que sempre dixestes “gustaríame estudiar música pero non teño tempo”. O curso está orientado tamén para todos os compoñentes dos coros do municipio que queiran profundizar os seus coñecementos musicais.

O profesor do curso será Carlos Diéguez (Mestre de linguaxe musical da EMCO).

 

 

 

Curso Gratuito. Requisitos:

1. Para xente do municipio ou que resida nel neste período de coarentena.

2. Estar concienciados de que hai que Quedarse na Casa!

3. Ter conexión a Internet

4. Ser maior de Idade

5. Comprometerse a aproveitar o curso (prazas limitadas)

Funcionamento. Contido do Curso:

Unha vez feita a inscrición online, a EMCO comunicaralle por email a aceptación ou non ó curso. Todas as actividades faranse dende a páxina web da escola, a través dun contrasinal proporcionado. Asimesmo enviaranse exercicios vía email e correccións entre o alumnado e o profesor.

Prazas: 30 (xa cubertas), e ante a gran demanda as ampliamos sen límite de prazas (polo momento) Podes inscribirte.

Comezo do Curso:

Dende o mércores 18 de Marzo e sen data cerrada de finalización. Ó ser un curso online poderás inscribirte en calquera momento mentras esté activo e ir facendo as tarefas e leccións ó teu ritmo.

INSCRÍBETE FACENDO CLICK AQUI

 

Publicado en 2019-2020 | Deja un comentario

COMUNICADO DA ESCOLA DE MÚSICA CONCELLO DE ORTIGUEIRA

suspension calses emco. 2020Debido ás medidas preventivas de saúde pública como consecuencia da evolución do CORONAVIRUS e por indicacións da Consellería de Educación a Escola de Música Concello de Ortigueira permanecerá pechada dende o 16 de marzo (durante 14 días). Prevese retomar as clases o día 30 de marzo, confirmación que daremos no seu momento.

É por elo que tomamos as seguintes medidas:

– As clases do venres 13 de marzo son de asistencia optativa.

– Queda aprazada a Semana de Audicións para máis adiante. Nesas datas, previsiblemente, retomaríamos as clases coa programación habitual.

– Quedan aprazados os exames e entrega de notas da 2ª avaliación.

– Durante o tempo de corentena, a EMCO ofrecerá clases online e titorías o seu alumnado.

Como serán as Clases Online que ofreceremos?

A escola unha vez máis demostra ser un centro 3.0 no que ás TIC se refire. Durante o tempo de corentena faremos o seguinte:

LINGUAXE MUSICAL: O profesorado acudirá ó seu posto de traballo á vindeira semana. Durante os días 16 a 18 enviará pola plataforma TOKAPP e con copia por e-mail os exercicios teóricos da materia de Linguaxe Musical para imprimir, facer e reenviar cubertos ó profesor/a.

A través da canle de Youtube da EMCO poñeranse os vídeos explicativos teóricos e exercicios rítmicos ou de dictado musical para o acceso e práctica do alumnado.

INSTRUMENTO: No caso das materias de instrumento poderemos facer unha clase en directo vía Skype, sendo tecnicamente máis fácil o envío dun vídeo tocando o estudo/canción e sendo corrixida vía e-mail polo seu profesor/a. Cada departamento enviará a información oportuna de como se realizarán estas clases.

Son obrigatorias as clases online?

Non, porque o acceso a internet e o seu uso non o é. Con estas clases pretendemos dende as nosas posibilidades que poidades seguir estudando cun titor que corrixa os exercicios, e porque non… facer este tempo de corentena máis entretido para vós ca practica instrumental.

Calquera dúbida podedes enviala ó e-mail da EMCO.

Recibe un cordial saúdo,

Carlos Diéguez (Director EMCO)

Publicado en 2019-2020 | Deja un comentario

APRAZADA a Semana de Audicións na EMCO

cancelado CARTAZ AUDICIONS EMCO SEMANA BRANCA 2020

Imagen | Publicado el por | Deja un comentario

Festa de Entroido 2020 na Escola de Música de Ortigueira

FESTA DE ENTROIDO 2020(4)O vindeiro día 21 de febreiro, na explanada da Escola de Música de Ortigueira, entre as 16h ata as 19h celebraremos a FESTA MUSICAL DE DISFRACES.

Esta actividade é aberta a participación de toda a cidadanía (estudien ou non na EMCO) e sobretodo ideada para a participación de tódolos nenos e nenas do municipio.

Na Festa de Entroido haberá:

  • Música en Directo (Grupos musicais da EMCO)
  • DJ con música de entroido
  • CONCURSO DE KARAOKE
  • Sorpresas!!

Anímate a vir, e acude disfrazado!!

KARAOKE ENTROIDO 2020

A actividade comezará a partir das 16:15 h. o venres 21 de febreiro na festa de entroido.

A inscrición é libre e gratuíta. Podes facela desde: CLICK AQUI PARA INSCRICIÓN KARAOKE

O concurso está destinado a persoas de tódalas idades  e  estarán divididos en 3 categorías.

 DETALLES  E CONDICIONS ( BASES)

01 – Realizase un listado da convocatoria por orde de categoría, ata a segunda canción ou rolda  do concurso pechando  con tódolos participantes inscritos ata este momento .

O xurado deliberará quen pasa a segunda rolda

02 – Realizaranse 4 categorías distribuídas da seguinte forma:

A – Menores (hasta 12 anos) B – Adolescentes (13 hasta 21 anos) C – Maiores (22 en adiante)

03 – A inscrición é  libre e gratuíta.

04 – A elección dos Xénero  musicais por cada participante será libre e confidencial.

05 – Recoméndase a cada  participante presentar o seu tema en formato de mp3 ou similar .

06 – Permitirase a cada  concursante a cartilla da letra o no defecto un monitor para traballar   libremente no seu desempeño sobre o escenario.

07 – Non se pode repetir o tema cando na segunda canción se pasa a seguinte rolda .

08 – Queda a elección a parte organizadora o equipo de xurado que traballa en cada

presentación deixando a  súa puntuación  establecida de 1 (mínima ) ou 5 ( máxima ) e por cada membro do xurado soamente unha puntuación .

10 – O participante permítelle a  parte  organizadora a difusión das  presentacións pola RADIO DA EMCO e A PUBLICIDADE NA EMCO TV .

11 – No caso da non presentación do participante tomase con puntuación cero tendo 24 horas de anticipación para informar da non presentación.  No caso de aviso previo se lle sumaran 3 puntos de cortesía.

Publicado en 2019-2020 | Deja un comentario

Xoves 6: Obradoiro de “Música en Familia” (12 a 36 meses) na EMCO

Despois das xornadas xa realizadas no 1º trimestre anunciamos as vindeiras convocatorias, abrindo ademáis novas prazas.

VINDEIRAS DATAS: A celebrarse na Escola de Música, en horario de 16h a 17h. os xoves   6 febreiro, 5 marzo, 16 abril, 7 maio e 4 xuño.

DESTINATARIOS:  Bebés e Nenos de entre 12 a 36 meses, acompañados polo seu pai/nai ou ambos.

NOVAS PRAZAS/VACANTES: Son limitadas, con preferencia para usuarios da EMCO e empadroados no Concello de Ortigueira.

Se desexas participar no obradoiro co teu bebé, aínda podes facelo cubrindo o seguinte:

FORMULARIO DE PRE-INSCRICIÓN (CLICK AQUI)

 

34

Publicado en 2019-2020, Sin categoría | Deja un comentario